Autobiografi: Afwaz Muhamad Afif

Autobiografi

Tepangaken kula Afwaz Muhamad Afif. Ngendikanipun Bapak kula Afwaz menika tegesipun tiyang ingkang paling bahagia utawi sukses, Muhamad menika dipunpundhut saking nama Kanjeng Nabi Muhammad SAW, lajeng Afif menika tegesipun perwira. Mugi kanthi donga saking nama ingkang dipunparingaken tiyang sepuh kula, saged dadosaken kula langkung mulya lan sae gesang wonten ing donya lan akherat samangke. Kula lair wonten ing daeah pesisir laut wonten ing Jawa Tengah inggih menika Kabupaten Cilacap, wonten ing tanggal 15 Maret 1993.

Geguritan

Salam Bektiku

Ra isa ilang seka pikiranku....

Ra isa ilang seka bayang sliramu....

Sukmaku kang terus kepengin gawe bungah ragamu

Kenengapa abot rasa atiku kanggo nglakoni

Kayata nafsu iki ora pengen ucul saka endahing manahmu

Kabeh kang tak lakoni kaya ra ana guna

               

Proposal Kebudayaan

“WAYANG KAMPUNG SEBELAH”

Inovasi Kabudayan wonten ing Jaman Globalisasi

Dening :

Afwaz Muhamad Afif

11205244040

PROGRAM STUDI PENDIDIKAN BAHASA JAWA

FAKULTAS BAHASA DAN SENI

UNIVERSITAS NEGERI YOGYAKARTA

2014

BAB I

PURWAKA

A.    Dhasaring Panaliten

Menungsa ingkang dipunciptakaken dening Gusti anggadhahi sipat ingkang asli, inggih menika dados makhluk ingkang sosial. Makhluk sosial inggih menika makhluk ingkang boten saged gesang piyambak wonten ing padintenan, temtu mbethaken biyantu saha sosialisasi kaliyan menungsa sanesipun. Saking wujud aslinipun menika, menungsa ngasilaken pinten-pinten saking usaha saking jiwa sarta raganipun. Babagan ingkang dipunasilaken menika saking rasa, karsa saha cipta. Rasa, karsa saha cipta menika ingkang asring dipunsebat budaya wonten ing menungsa. 

Tuladha Pranatacara

PRANATACARA

Assalamu’alaikum Warohmatullohi Wabarakatuhu.

Nuwun kawula nuwun,

·         Ingkang minulyeng budi Bapak Prof. Zamzani minangka Dekan FBS,

·   Ingkang mahambeg tama Bapak Dr. Suwardi Endraswara minangka pangarsa Jurusan Pendidikan Bahasa Daerah,

·         Ingkang kinurmatan para bapak ibu ingkang rawuh wonten ing adicara Sarasehan,

·         Saha ingkang kula tresnani para kadang mahasiswa sedaya.

Tuladha Pambagyaharja

PAMBAGYA HARJA

Assalamu’alaikum Warohmatullohi Wabarakatuhu.

Nuwun kawula nuwun,

·        ingkang kinurmatan Bapak Dekan Fakultas Bahasa dan Seni Universitas Negeri Yogyakarta,

·         ingkang minulya Bapak Pangarsa Jurusan Pendidikan Bahasa Daerah,

·         para Bapak Ibu dosen ingkang mahambeg tama,

·         lan para kadang mahasiswa ingkang kula tresnani.

Monggo sesarengan kita panjataken puji syukur dhumateng ngarsanipun Gusti Allah ingkang sampun paring kasarasan, kathah kenikmatan, ridho saha barokahipun dhumateng kula panjenengan sedaya, satemah alhamdulillah wonten ing wekdal menika kula panjenengan sami saged kempal lan nyawiji wonten adicara “Sarasehan” ing Pendhapa Tedjokusumo  Fakultas Bahasa dan Seni Universitas Negeri Yogyakarta kanthi wilujeng rahayu.

Artikel

"Gunung Srandil" Kabupaten Cilacap

Gunung Srandil inggih menika salah satunggaling wisata ngkang mapan wonten ing Kabupaten Cilacap, mliginipun mapan wonten ing Desa Glempang Pasir, kecamatan Adipala. Sampun dangu Gunung Srandil dados salah satunggaling papan wisata ingkang asring katah dipuntuju dening para wisatawan domestik menapa manca kangge mirsani endahing Gunung Srandil. Sanesipun Gunung Srandil ingkang dados endahing wisata, ugi wonten laut wonten ing sisih kidul Gunung Srandil, mila saking menika laut menika dipunwstani laut Srandil.  Wontenipun gunung kaliyan laut ingkang caket wonten ing setunggal wilayah ndadoosaken papan wisata menika mirunggan.

Profil Tokoh

"Bapak Budi Raharja" 

Abdi Dalem Kang Sumeleh

Asmanipun Bapak Budi Raharja saged dipun timbali Pak Budi. Saksampunipun resmi dados abdi dalem Ngayogyakarta Hadiningrat inggih menika dipun angkat dening Sinuhun Dalem Sultan Hamengku Buwono IX asmanipun dados Mas Bekel Hastana Raharja. Miyos wonten Kutho Gede tanggal 31 sasi Desember warsa 1957.  Pak Budi menika dados abdi dalem wonten ing Pasarean Raja-raja Kutho Gede Mataram. Inggih menika langkung mliginipun Kelompok Usaha Bersama Abdi Dalem Juru Kunci Pasarean Kutho Gede Mataram Surakarta - Ngayogyakarta. Gegayutan kaliyan pendidikanipun, Pak Budi namung lulusan Sekolah Dasar tahun 1977. Pak Budi menika kagungan setunggal estri lan setunggal putra lan kalih wayah.

Feature Bali

“Ron Lontar”

Papan Sinerat Ingkang Mirunggan

            Kathahing masarakat Indonesia kaliayan kabudayan lan adatipun cetha sampun diakui dening Internasional lan dados warisaning budaya ingkang luhur ingkang kedah dipunjagi. Awit saking daerah kilen inggih menika Sumatra dumugi daerah wetan Papua anggadhahi kabudayan ingkang inggil wosipun kagem masarakat. Sedaya kabudayan ingkang wonten ing Indonesia sampun ngangkat harkat lan martabat Bangsa Indonesi minangka Bangsa ingkang multicultural. Langkung-langkung kadosta suku ingkang sampun kawentar wonten ing dunia inggih menika Jawa lan Bali. Kathahing budaya lan adat ingkang wonten ing Jawa lan Bali sampun dipunmangertosi dening negari-negari Internasional, kadosta musik, tari, upacara adat, papan wiasata, alam, lan sanes-sanesipun. Sedaya kabudayan ingkang wonten jelas anggadhahi nilai luhur ingkang inggil menawi dipuntingali saking segi sosial, individu lan ketuhanan.

News

Bathik Masal Wonten Ing Tugu Yogyakarta

Senen, 30 September 2013 tabuh 10.00 WIB wonten swasana ingkang beda boten kados dinten-dinten biasanipun. Wonten acara bathik masal ingkang dipunlampahi dening siswa-siswi saking SD Bopkri Gandalayu Yogyakarta. Bathik masal menika ngundang para wisatawan utawi sinten kemawon ingkang lewat wonten ing Tugu kangge mriksani keuletan siswa-siswi SD Bopkri ingkang mbathik langung wonten ing ngajeng Tugu.

Kinten-kinten 130 siswa-siswi saking SD Bopkri Gandalayu Yogyakarta ngawontenaken acara mbathik sesarengan wonten ing Tugu Yogyakarta kanthi

News

 "MAPALA" Fakultas Kehutanan UGM

Ngawontenaken Sidang Umum  

Wonten Ing Ambarbinangun Bantul

Jum’at dumugi Minggu, 29 - 27 September 2013, Mahasiswa Pencinta Alam utawi MAPALA Fakultas Kehutanan UGM ngawontenaken Sidang Umum kangge pergantian pengurus wonten ing Pondok Pemuda Ambarbinangun, Kasihan, Bantul. 50 mahasiswa tumut wonten ing adicara menika. Adicara dipunadani saking dinten Jum’at enjing (27 Sept) dumugi Minggu sonten (29 Sept). Boten kados warsa-warsa kepengker,

News Feature

“Pondok Pemuda Ambarbinangun” 

Papan Kangge Kegiatan ingkang Unik 

Jogja minangka kota sewu Budaya ingkang tersohor wonten ing Indonesia anggadhahi pinten-pinten papan mliginipun papan pariwisata ingkang saged ndamel betah lan tresna sinten mawon ingkang rawuh ing Jogja. Jogja kota ingkang anggadhahi Kraton lan Raja minangka sistem pemerintahanipun nambah kekhasan Kota Jogja wonten ing Jawa. Kathah papan-papan ingkang khas wonten ing Jogjakarta, ingkang boten wonten ing kota-kota sanesipun. Kadosta Kraton menika piyambak, wisata alam Gunung Merapi, laut ingkang taksih alami lan endah, Malioboro, desa wisata, desa kerajian lan sanesipun. Kathah ingkang nyebataken bilih Jogjakarta menika papan ingkang unik, amargi

News

Jumlah Mahasiswa Enggal Angkatan 2013 PBD FBS UNY Mandhap

Wonten ing Univertsitas Negeri Yogyakarta, Fakultas Bahasa dan Seni mliginipun Jurusan Pendidikaan BahasaDaerah(PBD) wonten warsa menika nampi mahasiswa enggal saking 3 jalur, inggih menika Undangan, Seleksi Bersama Masuk Perguruan Tinggi Negeri (SBMPTN)lan Seleksi Mandiri (SM). Boten kados kalih warsa kepengker inggih menika 2011 saha 2012, Jurursan Pendidikan Bahasa Daerah nampi 125 mahasiswa enggal, nangig wonten ing warsa menika Jurusan PBD namung nampi 80 mahasiswa enggal. Owahipun jumlah mahasiswa enggal ingkang dipuntampi wonten Jurusan PBD warsa menika

Wacana Prosedural

Cara Ngrumat Batik

Batik inggih menika salah satunggaling kabudayan asli Indonesia ingkang sampun kawentar wonten ing manca. Batik menika sampun dados ciri khasipun bangsa kita wonten ing pagesangan. Batik ugi anggadhahi babagan ingkang mirunggan anggenipun dipunagem dening tiyang. Amagi batik menika menawi dipunagem saged paring unsur ingkang beda dening tiyang ingkang ngagem. Saged dipunagem wonten ing acara formal utawi nonoformal, ananging tetep dadosaken sinten kemawon ingkang ngagem dados mirunggan. Kadosta saged dipunagem wonten ing papan-papan pawiyatan, pamerintahan, pengajian, acara wonten ing desa, lan sanes-sanesipun.

Sanesipun, batik menika sampun dados