Geguritan

Salam Bektiku

Ra isa ilang seka pikiranku....

Ra isa ilang seka bayang sliramu....

Sukmaku kang terus kepengin gawe bungah ragamu

Kenengapa abot rasa atiku kanggo nglakoni

Kayata nafsu iki ora pengen ucul saka endahing manahmu

Kabeh kang tak lakoni kaya ra ana guna

               

Pituduhmu, pesenmu, ra isa tak kubur neng sajroning uripku

                Nanging nengapa.....

Kabeh kui gawe abot rasa ambekanku

Sejatine, kui kudu tak lakoni

Merga kui kewajibanku minangka titisanmu

Dhuh biyung kang kinasih....

Ngapurani anak lanangmu iki

Kang durung isa gawe kowe bungah

Durung isa nglairke rasa tentrem

Gawe thukuling kembang wangi ing sajroning atimu

Insun kang terus gawe rasa sedih

Gawe abot rasamu urip

Nanging, aku ora kena kaya ngene terus

Aku kudu maju

Aku kudu isa, merga aku ana

Kanggo kowe biyungku

Trimaa salam bektiku

Bingung

Apa sing kudu tak lakoni....???

Kabeh wis tak tindakke nggo kowe

Aku wis ngupaya akeh mung nggo kabungahan manahmu

Saben dina tak puja sliramu

Saben wayah tak eling-eling terus pasuryanmu

Kabeh kui tak lakoni supaya kowe seneng

Tak tandur katresnan iki jero ning ati

Nanging, kowe balekke kui kabeh karo landheping atimu

Kang ngiris-iris ati iki

Getir pahit rasane bratawali neng raga iki

Gawe nglokro lakune badanku

Nuwuhke sesak seroting ambekanku

Apa sejatine kang ana ing jero manah lan pikirmu kui?

Nengapa kowe tega marang slira iki kang tulus tresna mring awakmu

Aku kudu kepiye...???

Afwaz Muhamad Afif (11205244040)